Todas as persoas maiores de 65 anos do municipio están invitadas a acudir á presentación do programa Vén e Descubre 2024 o próximo xoves 7 de marzo, ás 20:00 horas, no auditorio do centro cultural A Fábrica. Este programa municipal engloba todas as actividades de excursionismo e sendeirismo interpretativo dirixidas ás persoas maiores de 65 anos empadroadas no Concello de Oleiros.
O Vén e Descubre é un programa de calidade, que forma parte das numerosas actividades de envellecemento activo 65+ que desenvolve o Concello de Oleiros, no que o divertimento e a aprendizaxe van da man, unindo cultura, historia, tradicións, natureza… a través de viaxes nas que se coñecen historias fermosas de distintos lugares de Galicia. Todos os anos o programa e as súas rutas e excursións xiran arredor dunha temática común. Na presentación poderán coñecerse de primeira man os distintos destinos e os vínculos cos lugares que se visitarán.
Ademais, procederase á entrega de premios do V concurso de fotografía “María José Cayado”, no que puideron participar as persoas que formaron parte do programa do pasado ano.
